RoMa
Admin
عدد المساهمات : 1980
نقاط : 6051
السٌّمعَة : 3
تاريخ التسجيل : 04/09/2011
العمر : 29
الموقع : دموع عيون حبيبى
 |  موضوع: فى رحاب النبى صلى الله عليه وسلم  الخميس ديسمبر 01, 2011 10:23 pm | |
| السلام عليكم ورحمة الله وبركاته
حياكم الله وبياكم وسدد على طريق الحق خطاكم وبارك فينا وفيكم وهدانا وهداكم
اللهم امين
اللهم صلى وسلم وزد وبارك على حبيب قلبى سيدنا محمد صلى الله عليه وعلى آله وصحبه وسلم تسليما كثيرا فى الآخرة والأولى وبعد
أحبتى فى الله
احيانا لا بل دائما تتملكنى نشوة الكتابة بل أقول شهوة الكتابة فما أكثر الشهوات فى حياتنا وما أقبحها إن كانت فى غير محلها أى إن لم تكن خالصة لله عز وجل فأذكر نفسى المقصرة وأذكر إخوانى وأخواتى بتجديد النية عند كل موقف ومحل حتى لا تضيع الاعمال سدى
أحبتى فى الله إنى أحبكم فى الله وأحب كل من يحب الله ورسوله يعنى بالبلدى بحب كل المسلمين لأننا نفترضحسن النية فيهم ولو سألت كل المسلمين بتحب ربنا ياعم هيقول لك آه أوى ولو سألت بتحب النبى ياعم الحج هيقول لك آآآآآآه بموت فى النبى
اللهم ارزقنا حبك وحب نبيك وحب من يحبكما اللهم امين
فى رحاب النبى صلى الله عليه وسلم
انا زرت المدينة المنورة مرتين فقط فى العامين الماضيين فى العام الأول كان فى شهر رمضان لسنة 1430 وآخر مرة كان من اسبوعين
زاد الشوق فى فؤادى فأشعل لهيبى
أولا ما بين مكة والمدينة
الطريق طويل 500 كيلو يزيد أو ينقص وانا انظر حولى الى الجبال والطريق واقول لمن بجوارى هو النبى صلى الله عليه وسلم مشى من هنا قال لى ممكن لا علشان هم يختارون ايسر الطرق لعمل طريق مستقيم
قلت ياخسارة
انا نفسى اركب جمل او حصان او امشى حتى وامشى مكان ما النبى صلى الله عليه وسلم مشى
ياااااااه دا شرف عظيم اوى ياعم الحج
قبل الدخول
يالله اول ما دخلنا من بوابة المدينة الله على الجمال شعرت براحة نفسية كبيرة وأنا أنظر أهذه المدينة يااااه أهذا هو مسجد رسول الله صلى الله عليه وسلم
قلت فى عقلى يااااااه يابنى شفت كدا النبى صلى الله عليه وسلم عايش وانت رايح تسلم عليه شوف بقى ياعم النبى هيستقب كام واحد النهاردة ويضيفهم ويرحب بيهم اللهم اجمعنا فى الجنة يارب
فى المسجد
اول ما دخلت مسجد رسول الله صلى الله عليه وسلم
قلت اصلى ركعتين فى الروضة وبعد كدا اروح جرى اسلم على النبى صلى الله عليه وسلم
وبالفعل صليت ركعتين فقلت يابنى طيب كمان اتنين دى الصلاة هنا لذيذة بشكل صليت كمان اتنين وطبعا دعوت الله عز وجل لى ولكم
وبعد كدا رحت اسلم على النبى صلى الله عليه وسلم وابلغه اشواقى وسلام من بلغنى السلام
ياسلام ياجماعة وانا بسلم على النبى كدا وعينى تدمع انى حرمت أن اراه
قلت فى بالى
يابنى لو النبى صلى الله عليه وسلم شافك واستقبلك كدا هيفرح زى ما انت فرحان ولأ عينه هتدمع
لو النبى صلى الله عليه وسلم شافك كدا وانت تلبس التوب الابيض الجميل والعمامة البيضاء ووضعت على ثوبك القصير الطيب ولحيتك هيفرح بيك صح وياخدك بالحضن ولأ لما يشوفك تلبس حاجات غريبة كدا وحالق لحيتك وثوبك يجر خلفك وياريتك بس مش محافظ على سنته لا دا انت مش بتسمع كلامه مش بتحافظ على الفجر ولا بتحافظ على الفروض وديما مقصر فى تلاوة وحفظ القرآن وديما بتفضل اعمال الدنيا على اوامر ربنا عز وجل بالله عليك هيفرح ولأ هتدمع عينه على امته
وانتى يااختى ياللى بتحبى سيدك النبى صلى الله عليه وسلم لو انتى دخلتى تسلمى على النبى صلى الله عليه وسلم هيفرح بيكِ ويستقبلك بحفاوة ياسلام بحجابك الشرعى اللى يغطى جسدك كله بمحافظتك على الفرائض والسنن وانكِ ما قصرت بماحفظتك على زوجك وأولادك
ولأ هتدخلى على النبى صلى الله عليه وسلم بحجاب الموضة اللى يدوب ملون ومغطى شعرك وبالعافية متزعليش منى انا اخوكِ وبخاف عليك وصدقينى مش بخاف عليكِ أكثر من النبى صلى الله عليه وسلم هو اكثر واحد فى الدنيا دى كلها بيخاف عليك علشان كدا ما قصر ابدا فى نصحك وما قصر ابدا فى الوصية بيكِ هيفرح النبى صلى الله عله وسلم لما يعرف أنكِ مبتصليش الفجر وأنك ليل ونهار على النت تكلمى فلان وعلان وانا زى اختك وانا زى وزى هيفرح لما يعرف أنك ما بتصوميش غير رمضان وبالعافية وأنك لا اذكار ولا ليل ولا مساء ولا قرآن بتحفظى ولا حتى زوجك بتهتمى بيه هيفرح بيكِ يااختى
شفتو بقى ياشباب قد ايه احنا كسرنا النبى صلى الله عليه وسلم
تعرفوا ان آخر بسمة فى حياة النبى صلى الله عليه وسلم كانت قبل موته بساعات قليلة لما كشف الستارة ونظر الى المصلين فى صلاة الفجر ووجد كل المسلمين يملأون المسجد ابتسم ابتسامة جميلة اوى واطمن على حالة الامة انهم هيحفظوا على صلاة الفجر وكل الصلوات هيحفظو على بعض هياخدو بيد بعض ويحبوا بعض
شفتوا قد ايه ياحبيبى احنا كسرنا قلب النبى صلى الله عليه وسلم
ياترى هنتوب اليوم بجد ونعمل بجد انا مش عاوز كلام وتمصمص شفايفك وتقول ياسلام كلام جميل يبقى عليه العوض ومنه العوض راح تعبنا هباءا
انا عاوزك جنبى يااخى ايدك فى ايدى نتوب بجد ونجدد حياتنا
وانتى يااختى ضعو ايديكم فى ايد بعض وتعانوا يااخواتى مع بعضكم البعض
اوعى انت وانتِ تشوفوا منكر أو حاجة غلط فى البيت وفى زميلك وفى صديقك وفى جيرانك وفى الشارع وفى كل مكان وتسكت عليها لا اتكلم زى ما النبى صلى الله عليه وسلم علمك باللين وبالحب والشفقة والخوف بالمودة والتعاون
يارب نشتغل صح يارب نعمل صح بقى ولا نمصمص شفايفنا زى كل مرة ونكتب جزاك الله خيرا وانت مفيش زيك وانت روعة وانت وانت وانت الى ان تقصمو ظهورنا بثنائكم والله الكلام ده ما ياكل عيش حاف
انا عاوز شغل صح عاوز صدق فى العمل علشان نمشى على خطى الحبيب صح بإتباعه فى كل شىء
اجعل كل يوم جديد فى حياتك مش فى النت ولا فى المنتدى لا كل يوم تتوب من ذنب كل يوم دا الجديد اللى يكون فى حياتك كل يوم تتقرب من ربنا اكثر كل يوم تتطبق سنة كل يوم تدعو واحد كل يوم تقرأ قرآن وحديث
ها يااخوتى هنشتغل ولأ ننام ونسمع أمة لا اله الا الله اصوات شخيرنا
لا انا متفائل خير ان شاء الله وواثق انكم أهل خير وفيكم خير
محب الخير محبكم فى الله | |
|
