ماذا أعددت من الآن لرمضان ؟

ناوي على إيه في رمضان ؟
إيه الشيء اللي بتفكر فيه هتحققه في رمضان ؟

ياترى حلم العتق من النيران هو حلمنا كلنا ؟؟
ياترى شاغل بالنا إننا نكون أحد العتقاء من النار اللي بيعتقوا كل ليله ؟
ولا الناس خلصت امتحانات ودخل موسم الصيف ، فالشغل الشاغل هنقضي الصيف ازاي ؟
وهنصيف فين ؟
وهنشتغل فين ؟
ماشي عادي مفيش مشكله ..

لكن الهدف الإيماني فين ؟
الهدف اللي عايش جواك بتحلم بيه ؟
فين الهدف ده ؟

ياترى حلم العتق من النيران هو هدفك ؟؟
حلم الغفران ؟

بالله مفيش واحد مننا مش عامل ذنب وخايف يقابل بيه ربه الكريم ؟
ما غرك بربك الكريم ؟

فاكر الذنب ده ؟
حاسس بخطر الذنب اللي جه على بالك دلوقت ؟
اللي لما بتسرح وتفكر في لحظة المصير والحساب بيقى مر وصعب .. مش متخيل نفسك وربنا بيسألك عنه ؟

مش عارف هتقول له عنه إيه ؟
كنت مسستهون بيك يارب ؟
كنت بحسبك مش شايفني يارب ؟
كنت مستهون بنارك وغضبك عني ؟؟

هتقول له عنه إيه ؟؟

طيب لو مش عارف هتقول إيه ..
جددت نيتك وقولت رمضان الجاي فرصتي للنجاة من الذنب ده ؟

حلمك بئى العتق من النيران ولا لسه ؟؟

طيب لو حلمك بئى كده خلاص ونويت معايا على كده .. هل أعديت العدة ولا هتحلم أحلام يقظه ؟؟

عندك فرصه عظيمة للخلاص من الذنب ده
" من صام رمضان إيمانا واحتسابا غفر له ما تقدم من ذنبه"

حلم الغفران بئى بين إيديك
اوعى تضيع الفرصه من إيديك
ولو أرادوا رمضان لأعدوا له عده ..
اوعى تكون من اللي ربنا كره انبعاثهم ووقوفهم بين ايديه في رمضان ..
اوعى من كده ..

عشان متبقاش متكاسل ولا فاتر .. اعرف ان ده مش وقته ..
مش وقته تقول عندي أحوال وهموم وغموم .. خلاص مبقاش في وقت ..

انتبه عدى اكتر من نصف شعبان !

اللي ربنا كره انبعاثهم لعدم إخلاصهم ..
لعدم استعدادهم ..
لعدم تجهيزهم للعده ..

كل اللي عملوه أعدوا يحلموا .. وخلاص .
اوعى تكون منهم !

يلا من دلوقتي نستعد ..

» ماذا أعددت لشهر رمضان ؟
» ماذا تفعل لو زارك ضيف متدين .. ؟!
» ماذا يقولون نجوم بوليود على شاروخ